විදුහල්පති පණිවිඩය
බ/හද්දත්තාව ද්විතීයික පාසල

මාගේ පාසල ඌව පළාතේ බදුල්ල දිස්ත්‍රික්කයේ මහියංගණ අධ්‍යාපන කලාපයේ මහියංගණය කොට්ඨාසයේ පිහිටි ග්‍රාමීය පාසලකි. සොරබොරවැව ජලාශයෙන් පෝෂණය වන ගම්මාණයක පිහිටි සුන්දර වෙල්යායක් මධ්‍යයේ පිහිටි දර්ශනීය පාසලකි. සෑම අංශයකින් ම දක්ෂතා දක්වන දරුවන් රාශියක් අධ්‍යාපනය ලබන මෙම පාසලේ දරුවන් පළාත් හා සමස්ත ලංකා ජයග්‍රහණ රැසක් පාසලට අත්පත් කර දී ඇත. එමෙන් ම සෑම වසරකම සරසවි වරම් ලබා පාසලෙන් නික්මෙන දරුවන් විවිධ  ක්ෂේත්‍රවල උසස්  රැකියාවල නිරත වී සිටී.

        ද්විතීයික පාසලක්වන මෙම පාසල 2022 වර්ෂයේ ජාතික පාසලක් වශයෙන් නම්කරන ලදි.පාසලේ තොරතුරු තාක්ෂණය හදාරණ දරුවන් දායක කර ගනිමින්  නිර්මාණය කරන ලද මෙම වෙබ් අඩවිය අප විද්‍යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී කර ගැනිමේ දි  ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි.මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

විදුහල්පති

බ/හද්දත්තාව දිවිතීයික පාසල